Ја негуваме елеганцијата и гламурот кај жената од 1994.
Модата е состојба на постоење; кои сте, што претставувате и вашите најдлабоки мисли и чуства. Тоа е место каде стилот ја сретнува традицијата и каде креативноста нема граници и никогаш не престанува. Секоја личност со стил има своја дефиниција за модата, бидејќи да се има стил е индивидуален избор и е рефлексија на самата личност. Да носите нешто различно и со стил, значи да создавате мода. Тоа што треба да го знаете е како да ја носите облеката што е на вас и да ја носите со став. Има многу малку смисла во облекување на парче облека во која се чуствувате заробени. Тоа е како да ставите округол костим на триаголник, обидувајќи се да покриете нешто, крајниот впечаток е апсурден.
Најважната работа е да носите облека во која се чуствувате удобно, нешто кое најдобро ја изразува вашата личност и да дозволите вашата облека да биде ваша “втора кожа”. Вие можете да креирате мода. Се што треба е да изгледате единствени и различни од другите. Се што е различно е ретко. Дозволете да ви помогнам во тоа.
“Моите почетоци доаѓаат од моите потреби да ги изразам мислите и чувствата низ создавање и забава, но и од потрагата по магичното, имагинарното и убавото. Создавањето модна креација како применето уметничко дело има двојна спрега: дава животен импулс и нуди задоволство и на оној што го создава и на оној што го набљудува, односно го оживува и го носи.” – Антонија Ристовска
Антонија Ристовска е родена на 04 07. 1963 г. во Струмица. Своите афинитети кон модното креирање ги покажува од своја 14 годишна возраст. До 1994 г креирањето и е хоби, истражување и учење, а истата година го оснива и организира своето модно ателје во кое се изработуваат авторските колекциите и креациите за индивидуалните нарачки на своите клиенти.
Македонската народна уметност е посебен културен феномен пред кој неможе да се остане рамнодушен. Богатството на форми и изразни средства резултираат од емотивна и уметничка реакција на бурните културни и историски процеси, што кај креаторката Антонија Ристовска будат инспирација за создавање на современи креации кои носат печат на дел од македонското фолклорно богатство. Инспирирана од колоритот и орнаментиката на македонските народни носии, стилизиран и аплициран во еден миг на старото и новото, со користење на техники од минатото и сегашноста, создава креаци со особен белег на етно-гламур стил. Низ своето мисловно патување низ времето и просторот ги спојува минатото и иднината и создава современи креации со особен белег. Елементи од традицијата, ткаените платна, рачно изработената тантела, плисатурите, филигранот, везови со мониста и полудраги камења, рачно изработени апликации се дел од препознатливоста на креациите.
За својата постојана инспирација – дамата од денешницата, ги создава креациите кои во својот стил се елегантни, гламурозни и изработени од најпрефинети материјали.
Портфолио:
Колекција BALANCE E/З 2017 – Октомври 2016, Медиумско претставување со фотосесија
Колекција BLOOM 2016 – Медиумско претставување со фотосесија
Колекција НА ПОЛНОЌ Е/З 2016 – Декември 2015, Медиумско претставување со фотосесија
Колекција ГАРДЕН П/Л 2015 – Март 2015, Медиумско претставување со фотосесија
Колекција АРТ ЕН ДЕКО П/Л 2014 – Април 2014, Скопје Капитол Мол
Колекција ИНСТИНКТ Е/З 2013/14 – Октомври 2013, Моден Викенд Скопје
Колекција ЕКВИЛИБРИУМ П/Л 2013 – Април 2013, Моден Викенд Скопје
Колекција ЕГИПТОМАНИЈА Е/З 2012/13 – Октомври 2012, Моден Викенд Скопје
Колекција НЕРЕИДИ П/Л 2012 – Април 2012, Моден Викенд Скопје Ревија на Модна недела Приштина, Косово, 2011
Колекција РАПСОДИЈА НА ГЛУВАРЧИЊАТА П/Л 2011 – Модна недела Битола
Колекција ВЕНЧАЛНИ ФУСТАНИ СО ФИЛИГРАН, 2010
Колекција ПРВА ДАМА Е/З 2009/10 – Медиумско претставување со фотосесија и ТВ ревија
Колекција БЕЛА 2008 – Саем за венчавки, Александар палас, Скопје
Колекција ВИНОЖИТО П/Л 2008 – Медиумско претставување со фотосесија
Колекција УРБАНА НЕВЕСТА 2007 – Саем на венчавки, Александар палас, Скопје
Колекција ТОП 20 Е/З 2006/07 – Самостојна ревија, Музеј на град Скопје Ревија во До-До клуб 2005 – Истанбул, Турција
Ревија на Матуранти 2005 Куршумли ан, Скопје
Колекција Родена 2005 Fashion wеек, Скопје
Колекција Жуборења 2004 – Fashion wеек, Скопје
Колекција Боите на есента 2003 – Fashion week, Скопје
Тема Хистерија 2002 – Музеј на современа уметност Скопје
Изработени бројни креации за избори на Мис, познати личности од јавниот и културен живот и за нејзината бројна клиентела.
